Friday, December 13, 2013

  
 കാലം പറഞ്ഞ കഥകൾ


കാലം പറഞ്ഞ കഥകൾ
കെട്ടുകഥകളായിരുന്നു
കുറെയേറ നിറങ്ങൾ ചുറ്റി
ചതുരംഗക്കളത്തിൽ
ആനതേരുകൾ നീക്കി വീണ്ടും
കാലം എഴുതിച്ചേർത്തു
വിശ്വസിക്കരുത് കാലത്തെ...
വിശ്വാസത്തിനുമവിശ്വാസത്തിനുമിടയിൽ
വീണുടഞ്ഞ ദിനങ്ങളെല്ലാം
ചേർന്നൊരു കവിതയായി
കലിതുള്ളി  കൂറുമാറി കാലമോടിപ്പോയി
കണ്ടു നിന്നവർ
പല വഴി പിരിഞ്ഞുപോയി
ആകാശവും ഭൂമിയും
അനന്തകോടിഗ്രഹങ്ങളും
ജപം തുടർന്ന പ്രഭാതത്തിൽ
ഒരു മഴക്കാലപ്പൂവായ്
മനസ്സിലെ ഗാനമുണർന്നു...

No comments:

Post a Comment