ശ്രുതി

കൈക്കുടന്നയിലൊരു
ദിനത്തിന്റെ ദു:ഖം
മഴതുള്ളിയിലോ
സംഗീതം
മുകിൽ മൂടിയ സായാഹ്നമേ
അറവാതിലടച്ച്
നിലവറയിലേയ്ക്ക്
മാഞ്ഞ പ്രകാശത്തിനെ
മൺവിളക്കിലേയ്ക്ക്
വീണ്ടുമാവാഹിക്കുമ്പോൾ
മിഴികളിൽ നക്ഷത്രങ്ങൾ
പൂക്കുന്നത്കാണുന്നില്ലേ
മഴ തുള്ളി പെയ്യുന്ന
എന്റെ വിരലിൽ
വിരിയുന്നുവോ ഒരു സ്വപ്നം
ചിത്രശലഭം പോലെ
ആകർഷീണീയമായ ഒരു സ്വപ്നം
അരളിമരക്കൂടിൽ നിന്നുണരുന്നതും
ഒരിക്കൽ ഞാൻ കണ്ടിരുന്നു
ആ സ്വപ്നമൊരു സർഗമായ്
മഴതുള്ളിയായ്
എന്റെ മനസ്സിന്റെ തംബുരുവിൽ
വീണ്ടും ശ്രുതിയിടുന്നുവല്ലോ...