മൊഴി
ഉണർന്നെണീക്കും
പ്രഭാതങ്ങൾ മുങ്ങിയുണരും
കവിതയുടെയൊരുതരിമഞ്ഞ്...
ഒരിക്കലെവിടെയോ മറന്നിട്ടൊരു
കടലാസിലെയെഴുത്തുപാടുകൾ...
പണിഞ്ഞ പറുദീസയുടെ
നേരില്ലായ്മ മറയ്ക്കാനാവാതെയുലയും
യുഗദൈന്യം....
ഇരമ്പും കടലിനെ ശംഖിലെയൊരു
ഹൃദ്യസ്വരമാക്കാൻ ശ്രമിക്കും ഭൂമി..
ഇടവഴിയുടെയിടുങ്ങിയ ചിന്തകൾ പോലെ
കാലത്തിന്റെ തെറ്റിയ നിമിഷങ്ങൾ പോലെ
ലോകത്തിന്റെയുലഞ്ഞ ഭൂപടം പോലെ
തൂവിമുഷിഞ്ഞ വർണം പോലെ
വർത്തമാനകാലം..
ഉറഞ്ഞ ഹൃദയമൊരു നേർത്ത സ്വരം
മൃദംഗവുമിലത്താളവും തട്ടിതൂവിയ
തിമിർപ്പിനിടയിലെ ഇടയ്ക്കയുടെ
ഹൃദ്യലയം..
മൊഴിയിലൊഴുകും ഗാനം...
No comments:
Post a Comment