മൊഴി
ഇലപ്പൊട്ടുകളിൽ
കാലഘരണപ്പെട്ട മുറിവുപാടുകൾ
പ്രഭാതമൊരു സ്വാന്തനഗാനം
വിളംബരത്തിനാരവങ്ങളിൽ
നൃത്യമാടും യുഗപ്പകർച്ചകൾ
സംഘഗാനത്തിനിഴതെറ്റിയ
മൈതാനങ്ങളിൽ
തണുത്തുമരവിക്കും സമാധികൾ
കനൽ തൂവും എറ്റ്ന
അഗ്നിശിലകൾ..
അഗ്നേയാസ്ത്രങ്ങൾ..
കമാനങ്ങൾക്കരികിൽ
അറിവിന്റെയക്ഷരകാലം
തെറ്റിയ മേഘചിത്രങ്ങൾ
കാണെക്കാണെ താണുവരും
പതാകയുടെ ദു:ഖാചരണം
കാവ്യാത്മകാമൊരു കഥാഗാനം
ചരടിൽ കോർക്കാം
ഉടഞ്ഞ ചില്ലുകൾ..
ഉടഞ്ഞ മൺ തരികൾ..
അരയാലിലയനക്കങ്ങൾ...
അരക്കാൽതുട്ടുരുക്കിപ്പൊലിപ്പിക്കും
വിവേകം..
തീരമേറ്റിയ കടൽചിപ്പികൾ,
ശംഖുകൾ..
പുഴ മറച്ച കയങ്ങൾ..
കൺകെട്ടുജാലം
അറിഞ്ഞതുമറിയാത്തതും
തേടിയൊടുവിലൊരു
പൂവിതൾ ചേർത്തെഴുതിയ
ശരത്ക്കാലസർഗം..
ഋണബോധത്തിനീരടി
വിരലിലെ ശംഖമുദ്ര
കടൽതിരയിൽ മുങ്ങിയ അഴിമുഖം...
ഉടഞ്ഞ സ്വരങ്ങളിലുണരട്ടെ
സങ്കല്പം..
പ്രഭാതത്തിനൊരു സാക്ഷ്യം..