ഉറയും ദിനങ്ങൾ, എരിയും ചിതകൾ


കല്പനകൾ പായ് വഞ്ചിയിൽ
കഥയായ്, കാവ്യമായ്
ലോകം ചുറ്റിയൊരീറൻ പ്രഭാതത്തിൽ
മൊഴിയായി..

തളിരിലകളിൽ മന്ത്രമായ്
ചന്ദനസുഗന്ധമായ് ,തുളസീദലങ്ങളായ്
ഗ്രാമഗാനങ്ങൾ

മറന്നുതീരേണ്ട ഓർമ്മകൾ
വീണ്ടുമോർമ്മിപ്പിക്കും
വർത്തമാനകാല നിമിഷരേഖകൾ

എരിയും ചിതയിൽ ഡിസംബർ,
സൊവേറ്റ,  മനുവനം
മിഴിയിലെ ലോകം
സന്ധ്യാവിളക്കിൻ
പ്രാർഥനാമന്ത്രമാകുന്നു


ഉറയും ദിനങ്ങളിൽ
താഴിട്ടുപൂട്ടിയ നിലവറകളിൽ
ജപം തുടരുന്നു
ഹൃദ്സ്പന്ദനങ്ങൾ..