Sunday, December 18, 2011


മൊഴി
പൊൻ നാണ്യം നിറയും
പട്ടുസഞ്ചിയിൽ
ആകൃതി നഷ്ടമായ ഹൃദയം
ആകൃതി നഷ്ടമായ മുഖം
ആവരണങ്ങളാലൊതുക്കാനാവാഞ്ഞ
അനവസരചിന്തകൾ
ഇതൊക്കൊയേ അതിലുണ്ടാവൂ...
പൊൻ നാണ്യം നിറയും
സഞ്ചിയാലെഴുതിയെടുക്കാം
ആൾക്കൂട്ടത്തിന്നല്പത്വം
ഹൃദ്യമായൊരു 
സർഗത്തിനേതു ദരിദ്രസങ്കടം
പറഞ്ഞാലും വിവർത്തനകുലമേ..
മഴതുള്ളിയിലൊഴുകി
ഋതുക്കളുടെ ചന്ദനസുഗന്ധത്തിലൊഴുകുമൊരു
കാവ്യത്തിനേത് ദു:ഖം
ജീർണ്ണാവസ്ഥയിലായതോ
അളന്നുതൂക്കിതട്ടിതൂവിയ
തുലാസിനിരട്ടിഭാരം
അതിനപ്പുറമേത്
വാത്മീകം??
പൊൻ നാണ്യം നിറയും സഞ്ചിയിൽ
ആകൃതി നഷ്ടമായ പുഴയുടെയാവരണങ്ങൾ..
ഭൂമിയുടെ ചെപ്പിൽ
കടലുയർന്നപ്പോൾ തിരയേറ്റിയ
ശംഖുകൾ
ഉടഞ്ഞുപോയ  ചിപ്പികൾ
എഴുതി മായ്ച്ച പകലുകൾ..
മിന്നിതൂവിയ  നക്ഷത്രങ്ങൾ..

No comments:

Post a Comment