ഋതുക്കൾ നീങ്ങും പോലെ



ഓർമ്മകളും
പഴയകാലവും
തന്നതൊരു യുഗത്തോളം
പോന്ന വന്യത
അതിനിടയിലൊഴുകി
വന്ന പൂവുകൾ പോലും
കൃത്രിമമായിരുന്നിരിക്കാം..



പകതീർക്കാനങ്ങേയറ്റം
പരിശ്രമിച്ചവരോടെന്തിനൊരു
കടപ്പാടിന്റെ മുദ്രപത്രം
കടം വാങ്ങണം..


അനേകജന്മദുരിതം
തീർന്നിരിക്കാം
ഹൃദ്സ്പന്ദങ്ങൾക്ക്
ചങ്ങലപണിതുനീങ്ങിയവരോടു
പഴയകാലത്തിനോർമ്മപ്പാടുകൾ
ഭദ്രമായ് വയ്ക്കാൻ 
യാചിക്കുന്നുമില്ല..


ഋതുക്കൾ നീങ്ങും പോലെ
പലതും മാറിയേക്കാം
അക്ഷരങ്ങളും വിലങ്ങുകളിൽ
നിന്നെത്രയോ അകലെയായിരിക്കുന്നു...